မေမေ့အပြုံးထဲ ကျွန်တော်ဟာ စက္ကူလှေလေးရဲ့ မာလိန်မှူး အသက်သုံးဆယ်အထိ ဘာမှ မထူးခဲ့ဘူး ။ မေမေ့မေတ္တာနဲ့ ဆင်တဲ့ သစ်သားကွပ်ပျစ်ကလေးမှာ မေမေ့ပေါင်ကို ခေါင်းအုံးလုပ် သားအိပ်မက်ကလေးတွေ ပြန်အုပ်ချုပ်ပါဦးမေမေ ။ ကော်ဖီလည်း လျော့သောက်ပါတယ် အိပ်ရေးဝအောင်လည်း အိပ်တယ် ကွန်ပျူတာလည်း တအားမသုံးဘူး ဘုရားလည်း မှန်မှန်ရှိခိုးတယ် ကျွန်တော် ဆက်ညာနေတုန်းပဲ… ရေခဲတောင်တွေလို မအေးခဲတတ်ဘဲနဲ့ ကျွန်တော်ပင်လယ်ခရီး ထွက်ခဲ့တယ် ။ နှင်းတွေကို မဖြားယောင်းတတ်ဘဲနဲ့ ကျွန်တော် ဆောင်းရာသီထဲ ခုန်ချခဲ့မိပါပေါ့ ။ မောဟတန်းလန်းနေ့စွဲတွေထဲ တစ်နေ့တစ်လံ တစ်နေ့တစ်လံနဲ့ပဲ မေမေရှိတဲ့အရပ်နဲ့ ဝေးသထက် ဝေးနေတုန်း ။ မေမေတွေ့လား ခိုက်ခိုက်တုန်သတိရစိတ်နဲ့ ညက ကျွန်တော် အိမ်ပေါ် ပြန်ပြေးတက်လာခဲ့တယ် ။
လင်းဒီပ
၁၈.၀၃.၁၀ moehlaing nya at 5:14 AM
No comments:
Post a Comment