လိုက်နာမှတ်သားဖွယ်အဆိုအမိန့်များ
သူများအကျိုး ပျက်စီးစရာကို ဘယ်အခါမှ မလုပ်နှင့်၊ မပြောနှင့်၊ မကြံနှင့်။ ကြမ်းတမ်းသော စကားကို မဆိုနှင့်။ မေတ္တာနှင့် ယှဉ်သောစိတ်ကို ဖြစ်စေရမည်။ အကောင်းကြံ၊ အမှန်လုပ်၊ အဟုတ်ပြော။ ယခုလက်ရှိ အချိန်ထက် ကောင်းသောအချိန်မရှိ။ လက်ရှိအချိန်ကို နိဗ္ဗာန်အထိ အကျိုးရှိအောင်သုံးပါ။
-----------------------------------------------------
-လူအချင်းချင်း လှည့်ပတ်ခြင်း ကင်းရှင်းကြပါစေ။ -အထင်သေးခြင်း အချင်းချင်း ကင်းရှင်းကြပါစေ။ - ဆင်းရဲလိုခြင်း အချင်းချင်း ကင်းရှင်းကြပါစေ။
(တိပိဋကမင်းကွန်းဆရာတော်)
----------------------------------------------------- -
သတိပျောက်တော့ ရူးတူးတူး -သဒ္ဓါပျောက်တော့ ခြောက်ကပ်ကပ် -၀ိရိယပျောက်တော့ ငတ်တတ်တတ် -ပညာပျောက်တော့ အ,တတ။
(တိပိဋကယောဆရာတော်)
------------------------------------------------------ ကုသိုလ်၊ ပညာ၊ ကျန်းခန့်သာ၍၊ ဥစ္စာ၊ တန်ခိုး တစ်မျိုးမျိုးမှ၊ အကျိုးမထွက်၊ ထိုနေ့တွက်၊ သက်သက်ဝမ်းနည်းဖွယ်။
(မဟာဂန္ဓာရုံဆရာတော်) -
-----------------------------------------------------
ရုပ်နာမ်ဓမ္မသင်္ခါရတို့ ကိုယ်ကဤပုံ ဖြစ်လိုတုံလည်း တစ်ဖုံဆင်ကွဲ သူတနဲဖြင့် ဖောက်လွဲတတ်စွာ ဓမ္မတာကို ပညာစက္ခု မျှော်ထောက်ရှု ၍ > ယခုပင်လျှင် မအိုခင်က ကြိုတင်ကောင်းမှု ကြိုးစားပြုလော့။ > ယခုပင်လျှင် မနာခင်က ကြိုတင်ကောင်းမှု ကြိုးစားပြုလော့။ > ယခုပင်လျှင် မသေခင်က ကြိုတင်ကောင်းမှု ကြိုးစားပြုလော့။ (ဘဒ္ဒန္တ၀ိစိတ္တသာရာဘိဝံသ)
------------------------------------------------------
ဖြစ်ပြီးအဟောင်း၊ တိတ်ဇာတ်ကြောင်းကို၊ ပြန်ပြောင်းစဉ်းစား၊ မငြီးတွားနှင့်။ နောင်ခါဖြစ်လတ်၊ အနာဂါတ်ကို၊ ဇာတ်ကြောင်းတွေးတော၊ စိတ်မမောနှင့်။ ဖြစ်ဆဲဧကန်၊ ပစ္စုပ္ပန်ကို ဝေဖန်ဉာဏ်ရှု၊ မျှတမှုဖြင့် ပူမှုကင်းစွာ၊ နေစမ်းပါလော့။ သို့ပါလေမှ၊ သင့်ဘ၀၀ယ် ဒုက္ခကင်းစွာ၊ ချမ်းသာလာလိမ့်။ (ဓမ္မဒူတဆရာတော်အရှင်ဆေကိန္ဒ)
----------------------------------------------------
လူ့ဘ၀၏ အဓိပ္ပါယ်ဟူသည် ကောင်းကောင်းစား၍ ကောင်းကောင်းဝတ်ခြင်းမဟုတ်။ ငြိမ်းချမ်းစွာနေခြင်းသာဖြစ်၏။ သူတော်စင်တို့သည် ဘ၀အဓိပ္ပါယ်ကို ငြိမ်းချမ်းစွာနေခြင်းဖြင့် သက်သေပြခဲ့ကြ၏။ (ဆရာကြီးဦးရွှေအောင်)
------------------------------------------------------
ယုံကြည်ထိုက်သူဖြစ်အောင် ရိုးသားရမည်။ အားကိုးထိုက်သူဖြစ်အောင် ကြိုးစားရမည်။ လေးစားထိုက်သူဖြစ်အောင်စင်ကြယ်ရမည်။ (ဓမ္မဘေရီ အရှင်ဝီရိယ)
------------------------------------------------------
သူတစ်ဖက်သား မျက်မာန်ပွားသော် တရားမကွာ ထိန်းစောင့်ကာဖြင့် မေတ္တာနှလုံး ကိုယ်ကသုံးလျှင် အရှုံးဘယ်မှာ ရှိချိမ့်နည်း။ (မင်းကွန်းဆရာတော်ကြီး) -
-----------------------------------------------------
အတိတ်ကိုတွေး မဆွေးလေနဲ့ အတိတ်ဆိုတာ ပြန်မလာဘူး။ အနာဂါတ်မှန်းဆ မလွမ်းတနဲ့ အနာဂါတ်ဆိုတာ မသေချာဘူး။ ပစ္စုပ္ပန်မှာ လုပ်သင့်ရာဝယ် ပညာလုံ့လ အသုံးချလျှက် ဘ၀တန်ဖိုး အားမာန်ကိုး၍ မြတ်နိုးကြည်ဖြူ အရယူလော့။
(ဆရာတော် ဒေါက်တာနန္ဒမာလာဘိဝံသ) -
------------------------------------------------------
ယခုခါမူ... လူလည်းဖြစ်လာ၊ သာသနာလည်းထွန်းခိုက်၊ အမြိုက်တရား၊ ဟောကြားမည့်သူ၊ လူလည်းမရှား၊ သို့ပါလျက်သားနှင့်မှ... တရားမလိုက်၊ အမှားကို ကြိုက်ကြလျှင်၊ အမိုက်တကာ့ဗိုလ်မင်း၊ အဖျင်းတကာ့ဗိုလ်ချုပ်၊ အပါယ်လေးလီ၊ မြစ်နဒီတွင်၊ ပလုံစီမြုပ်လို့၊ လူယုတ်ကြီးတွေ ဖြစ်ချိမ့်မည်။ (စလေ ဦးပုည)
--------------------------------------------------------
သင်သေသွားသော်
ဪ လူ့ပြည်လောက လူ့ဘဝကား အိုရ နာရ သေရဦးမည် မှန်ပေသည်တည့်။ သို့တပြီးကား သင်သေသွားသော် သင်ဖွားသောမြေ သင်တို့မြေသည် အခြေတိုးမြှင့် ကျန်ကောင်းသင့်၏ ။ သင်၏ မျိုးသား စာစကားလည်း ကြီးပွါးတက်မြင့် ကျန်ကောင်းသင့်၏ ။ သင်ဦးချ၍ အမျှဝေရာ စေတီသာနှင့် သစ္စာအရောင် ဉာဏ်တန်ဆောင်လည်း ပြောင်လျက် ဝင်းလျက် ကျန်စေတည်း ။ ဇော်ဂျီ (ဒီဇင်ဘာ ၁၉၃၅)
---------------------------------------------------------
ချစ်ခြင်း မုန်းခြင်း နှလုံးသွင်းမှာ၊ အချစ်များက အပြစ်များ၍၊ အမုန်းများက အရှုံးပွား၏။ ချစ်ခြင်းမုန်းခြင်း ရှောင်ကြဉ်ကင်း၍၊ မေတ္တာနှလုံး ကျင့်ကာသုံးသည့်၊ အဖြူစင်ဆုံး ဤကျင့်ထုံးကား၊ အပြစ်လည်းကင်း အရှုံးကင်းမည့်၊ မချစ်မမုန်း အကောင်းဆုံးတည်း။ (မနာပဒါယီ အရှင်ဝိစိတ္တ)
----------------------------------------------------------
ညည်းညူမရှိ၊ မြဲဂတိနှင့်၊ သတိမမေ့၊ ချိန်နေ့သိပြန်၊ မျက်လန်ကြောဆွဲ၊ မရှိဘဲနှင့်၊ သေလည်းမတောင့်တင်း၊ ပုပ်နံ့ကင်းသည်၊ ကျိုးရင်းဝိပဿနာ တန်ခိုးတည်း။ (တော်ကူးဆရာတော်ဘုရား)
----------------------------------------------------------
တစ်နေ့သုံးခါ၊ အိုးတစ်ရာဖြင့်၊ ချက်ကာထမင်း၊ ကျွေးလှူခြင်းထက်၊ မယွင်းစင်စစ်၊ နို့တစ်ညှစ်စာ၊ ကြိမ်သုံးခါမျှ၊ မေတ္တာပွားများ၊ ကျိုးကြီးမားသည်၊ ဘုရားမြတ်စွာ၊ မိန့်ခွန်းတည်း။ (မဟာစည် ဆရာတော်ဘုရား)
----------------------------------------------------------
ဖြစ်ပျက်နှစ်ဖြာ၊ မမြင်ပါဘဲ၊ တစ်ရာအသက်၊ ရှည်သည်ထက်လည်း၊ ဖြစ်ပျက်နှစ်တန်၊ ရုပ်နှင့်နာမ်ကို၊ အမှန်မြင်လျက်၊ ဉာဏ်စဉ်တက်၍၊ တစ်ရက်တာမျှ၊ သက်ရှည်ရသော်၊ လောကလူ့ရွာ၊ ကောင်းမြတ်သာသည်၊ မြတ်စွာဗုဒ္ဓ မိန့်ခွန်းတည်း။ (မဟာစည် ဆရာတော်ဘုရား)
----------------------------------------------------------
နာမ်ရုပ်တရား၊ ဤနှစ်ပါးလည်း ရှည်လျားကာလ၊ မတည်ကြဘဲ ခဏဖြစ်လျက်၊ ခဏပျက်၍ နှိပ်စက်ခြင်းရာ၊ လိုမပါဘူး သဘာဝအား၊ ဤသုံးပါးကြောင့် ဖြစ်ပွားသမျှ၊ အနိစ္စသည် ဒုက္ခ အနတ္တပါတကား။ (မင်းကွန်းဆရာတော်ဘုရား) -
----------------------------------------------------------
အကုသိုလ် အကျိုးပေးတယ်ဆိုတာ တခြားမဟုတ်ဘူး၊ မဟုတ်တာကိုမှ ကြိုက်လာတာ၊ မကောင်းတာကိုမှ လုပ်ချင်လာတာ.. (တောင်မြို့ မဟာဂန္ဓာရုံ ဆရာတော်ဘုရား)
-----------------------------------------------------------
ဒိဋ္ဌိမဖြုတ် ဒါနလုပ် ဒုက္ခတွေ့လိမ့်မည်။ ဒိဋ္ဌိမဖြုတ် သီလလုပ် ဒုက္ခတွေ့လိမ့်မည်။ ဒိဋ္ဌိမဖြုတ် ဘာဝနာလုပ် ဒုက္ခတွေ့လိမ့်မည်။ ဒိဋ္ဌိမဖြုတ် ၀ိပဿနာလုပ် ဒုက္ခတွေ့လိမ့်မည်။ (တောင်လေးလုံး ဆရာတော် ဘုရားကြီး)
-----------------------------------------------------------
ဒိဋ္ဌိသက္ကာ၊ မကွာသမျှ၊ လူတွင်စကြာ၊ နတ်မှာသိကြား၊ မိုးဖျားဗြဟ္မာ၊ ဖြစ်တုံပါလည်း၊ ခန္ဓာပြိုကွဲ၊ ကုသိုလ်စဲက၊ ဖောက်လွဲပယ်ရွာ၊ ရောက်မြဲသာတည်း။
(မဃဒေ၀လင်္ကာ) -
----------------------------------------------------------
ဧည့်သည် လာတုန်းကလည်း တစ်ယောက်တည်းနော်၊ လက်တွဲခေါ်ကာ အဖော်မပါဘူး၊ ဥစ္စာချည်းနှီး တစ်ကိုယ်တည်း။ ပြန်သွားတော့လည်း ၊ တယောက်တည်းနော် လက်တွဲခေါ်ကာ ၊ အဖော်မပါဘူး ဥစ္စာချည်းနှီး ၊ တကိုယ်တည်း လာပြီးတော့နား ၊ မသွားသေးခင် အချိန်ကလေးတွင်မှ …. ဝန်းကျင်ယှက်နွယ် ၊ နှောင်ကြိုးသွယ်ကြ ပြုံးရယ်မဲ့ငို ၊ ချစ်မုန်းပိုကြ မလိုဒေါသ ၊ လိုလောဘနဲ့  ဘဝရိပ်မြုံ ၊ ကကြိုးစုံခဲ့ ကံကုန်မိုးချုပ် ၊ လက်တွဲဖြုတ်ခါ သုတ်သုတ်စောလျှင် ၊ ခရီးနှင်သည် တို့ များဧည့်သည်ပါတကား
………… -----------------------------------------------------------
မသွားချင်ပဲ သွားနေရတာ သုဿန်(သင်္ချိုင်း) ရောက်ချင်ပါလျှက် မရောက်သေးတာ နိဗ္ဗာန် -
----------------------------------------------------------
မင်္ဂလာပါ ဆိုတာ နှုတ်ဆက်တာ... မကောင်းတာတွေကို နှုတ်ပြီး ကောင်းတာတွေကို ဆက်ရမှာတဲ့
-----------------------------------------------------------
အလိုတွေ ရှိနေသမျှ အလိုက ပြည့်လိမ့်မည်မဟုတ်။ အလိုမရှိတော့မှသာ အလိုက ပြည့်လိမ့်မည်။ အလိုတွေ ရှိနေသမျှ အလိုက ကျလိမ့်မည်မဟုတ်။ အလိုမရှိတော့မှသာ အလိုကကျလိမ့်မည်။ စိတ်ရှိနေသမျှ စိတ်တိုင်းကျလိမ့်မည်မဟုတ် စိတ်မရှိတော့မှသာ စိတ်တိုင်းကျလိမ့်မည်။ သတိတစ်လုံး အရှိ(လက်ကိုင်)သုံး .....
အဆုံး နိဗ္ဗာန်ပြည်....
-----------------------------------------------------------
လိုချင်လျှင် ဆင်းရဲသည် မလိုချင်လျှင် ချမ်းသာသည် အလိုမြဲတော့ အမြဲလို ..အလိုကင်း(အလိုမမြဲ)တော့ အမြဲပို ပိုင်တယ်ထင်လို့ တောင့်တတာ ဆိုင်တယ်ထင်လို့ ကြောင့်ကြတာ မပိုင်ဘူးထင်ရင် မတောင့်တတော့ဘူး မဆိုင်ဘူးထင်ရင် မကြောင့်ကြတော့ဘူး ကိုယ်ကြည်နူးသလောက် ကိုယ်ပြန်ခံစားရမှာ တစ်ဘက်မှာ သောင်ထွန်းသလောက် အခြားတစ်ဘက်မှာတော့ ကမ်းပြိုနေရတယ် သစ္စာသိမှ
.............................
နိဗ္ဗာန်ရှိ
-----------------------------------------------------------
ကိုယ့်စိတ် ကိုယ့်အပြောနဲ့ ကိုယ့် အပြုအမူတွေကို အပြစ်ကင်း မကင်း သန့်စင်မြင့်မြတ်မှု ရှိ မရှိ အမြဲမပြတ်စစ်ဆေးခြင်းဟာ လောကရေးရာမှာရော ဓမ္မရေးရာမှာပါ ကြီးပွားတိုးတက်ခြင်းရဲ့ အကြောင်းတရားပါပဲ...
(ဆရာတော် အရှင်ဆန္ဒာဓိက)
-----------------------------------------------------------
နှလုံးသားဝယ် မွှေးကာထုံသင်း ကိုယ်ကျင့်တရား ထိုစွမ်းအားကြောင့် ဒုက္ခအမှန် လောကဓံကို မကြောက်မရွံ့စိန်ခေါ်ဝံသည်။ -
---------------------------------------------------------
- အများအကျိုး ၊ ရွက်သယ်ပိုးက ၊ ခနိုးခနဲ့ ဆိုကဲ့ရဲ့လည်း မဖဲ့စကောင်း ၊ ကိုယ့်လမ်းကြောင်းကို စိတ်ကောင်းနှင့်ယှဉ် ရှေးရှုနှင်လော့
-----------------------------------------------------------
Not to do ... from any evils Not to speak ... from any evils Not to think ... from any evils မကောင်းတာမှန်သမျှ ဘာမှမလုပ်နဲ့ မကောင်းတာမှန်သမျှ ဘာမှမပြောနဲ့ မကောင်းတာမှန်သမျှ ဘာမှမတွေးနဲ့ မကောင်းမှုရှောင် ၊ ကောင်းမှုဆောင် ၊ ဖြူအောင် စိတ်ကို ထားပါတဲ့
ဲ့ -----------------------------------------------------------
အမှားဆိုတာ မှားတာကို လုပ်မိမှ အမှားလုပ်တာမဟုတ်ဘူး အမှန်တရားလမ်းကြောင်းပေါ်က သွေဖယ်သွားရင် အမှားလုပ်မိတာပါပဲ တရားမလုပ်သေးသမျှ မတရားလုပ်နေတာပါပဲ။ တရားနဲ့မနေနိုင်သေးသမျှ မတရားနဲ့နေ နေတာပါပဲ။ မြတ်စွာဘုရားက ကုသိုလ်စိတ်နဲ့မနေရင် အကုသိုလ်စိတ်နဲ့နေ နေတာပါပဲလို့ ဆုံးမခဲ့ပါတယ်။ စိတ်ဆိုတာ တစ်ချိန်တည်းမှာ နှစ်စိတ်မဖြစ်ကောင်းလို့ပါပဲ။
-----------------------------------------------------------
ငှက်တွေက ပျံရင်း သေကြရတယ် လူတွေက ကြံရင်း / တွေးရင်း သေကြရတယ် အချိန်တိုင်း တွေးရင်း ဘ၀ ပြောင်းနေကြရတယ်တဲ့ လောကုတ္တရာ ရှုထောင့်ကကြည့်ရင် အတွေးဟာ အင်မတန်မှ ကြောက်ဖို့ကောင်းပါတယ် တရစပ် ဖောက်ပြန်ပျက်စီးနေတဲ့ အတွေးတွေပဲ တကယ်ရှိနေတာပါတဲ့
-----------------------------------------------------------
မရှိဆင်းရဲက တောင့်တတာပဲရှိတယ် ရှိဆင်းရဲကတော့ တောင့်တတယ်၊ကြောင့်ကြတယ် အဲ့တော့ မရှိဆင်းရဲထက် ရှိဆင်းရဲက ပိုဆင်းရဲပါတယ်။ ရလေ လိုလေ အိုတစ္ဆေ
-----------------------------------------------------------
ရာဂ ၊ ဒေါသ မောဟ တစ်ဖြာ ဖြစ်အို ၊ သေရေး ပူဆွေးငိုကာ ကိုယ်စိတ် ဒုက္ခ ပူရပြင်းစွာ ဆယ့်တစ်သီး ဤမီးလောင်တော့တာ။ မီးတွေငြိမ်းကြောင်း နည်းကောင်းအမှန် ဟောဒီမှာကြည့် သတိပဋ္ဌာန် ၀န်ခံချက်နှင့် မိန့်မြွက်လေပြန် ကျင့်ကြံသုံး လမ်းဆုံး ပြည်နိဗ္ဗာန်။
-----------------------------------------------------------
ဆွမ်း၊ဆီမီး၊ရေချမ်း၊ ပန်းလောက်ပဲ ကပ်လှူပြီး တောင်းလိုက်တဲ့ဆုက နိဗ္ဗာန်မဂ်ဖိုလ် ရက်တိုတိုနဲ့ ရောက်ရပါလို၏ ဘုရားတဲ့ လေးသင်္ချေနဲ့ကမ္ဘာတစ်သိန်းပါရမီဖြည့်လာတဲ့ မြတ်စွာဘုရားကိုမှ အားမနာ ဘုရားအကြိုက် ၀ိပဿနာနဲ့ပဲ ပူဇော်လိုက်ပါ ဘုရား သာဓုခေါ်ပါတယ် တရားကိုမြင်မှ ငါဘုရားကို မြင်မယ်လို့ ဟောခဲ့ပါတယ်
-----------------------------------------------------------
နှမ်း၊မြေပဲ ကို ဆုံထဲထည့်လိုက်ရင် ဆီအဖြစ်ပြန်ထွက်လာတယ် မွှေးကြိုင်လတ်ဆတ်တဲ့အစားအသောက်တွေ ခန္ဓာထဲထည့်လိုက်တော့ ဒွါရကိုးပေါက်က အညစ်အကြေးတွေပဲ ပြန်ထွက်လာတယ် ဩော်..ခန္ဓာ ..ချီးအိုးကြီးပါလား ယုတ်မာ ရိုင်းစိုင်း နှိပ်စက်လိုပါဘိ ခန္ဓာရယ်..
-----------------------------------------------------------
ရခဲမှ ရတနာ သိခဲမှ ပညာ ဘုရား၊တရား၊သံဃာ ရတနာသုံးပါး ဆိုတာ အင်မတန်မှ ရခဲပါတယ် ၀ိပဿနာ ပညာဟာ သာသနာနဲ့ကြုံတုန်းပဲ သိရတာပါ။ ----------------------------------------------------------- နေရမှာ မသေချာပေမယ့် သေရမှာတော့ သေချာပါတယ်။
-----------------------------------------------------------
ကိစ္စနည်းအောင်နေပါ ပြော၊ပြု၊ ကြံစည်/တွေးတောနေရသမျှ ဒုက္ခချည်းပဲမှတ်ပါ။ ပြောလို့မဆုံး၊ပြုလုပ်လို့မဆုံး ၊ကြံစည်/တွေးတောလို့မဆုံးနိုင်ပါဘူး။ ဘာရေးညာရေးကြီးမနေပါနဲ့တော့ သံသရာတစ်လျှောက်လုံး စား၊၀တ်၊နေရေးတွေပဲ ကြီးလာခဲ့ရတာ တကယ်အရေးကြီးရမဲ့အရာကို အရေးကြီးတတ်ပါစေတော့ -
---------------------------------------------------------- မကောင်းမှုရှောင် ၊ ကောင်းမှုဆောင် ၊ ဖြူအောင်စိတ်ကိုထား ၊ ပြုပြောတွေးလျှင်သတိယှဉ် ၊ ဆင်ခြင်ဉာဏ်ရှေ့သွား ၊ စိတ်ထားဖြောင့်မှန် ခွင့်လွှတ်ရန် ၊ သည်းခံမေတ္တာထား၊ လုံ့လနှင့်ဇွဲ မလျော့ဘဲ အမြဲတင်းတင်းထား၊ အရာရာတွင် အသုံးဝင် အောင်မြင်ကြောင်းတရား ။ (ချမ်းမြေ့ဆရာတော်)
----------------------------------------------------------- သစ်ပင်ကြီးတို့ မည်သည် မလဲမချင်း အရိပ်ဖြင့် အေးကြစေကုန်၏။ နံ့သာတုံးတို့ မည်သည် မကျွမ်းမချင်း အနံ့ဖြင့် မွှေးကြစေကုန်၏။ သူတော်ကောင်းတို့ မည်သည်လည်း မသေမချင်း အများအကျိုးကို ဆောင်ရွက်ကြကုန်၏။ (ရှေးဆရာတော်)
-----------------------------------------------------------
နှလုံးသားဝယ် ဘုရားတည်… ရေ၊မြေ၊တော၊တောင် လျှိုမြောင်အကြား ပြုတည်ထားသည် ရုပ်ပွါးတစ်လီ စေတီပုထိုး အမျိုးမျိုးကား ဘေးဆိုးအန္တရာယ် အသွယ်သွယ်ကြောင့် ပျောက်ကွယ်ခဏ ပျက်စီးရ၏... နှလုံးသားအတွင်း ဌာပနာသွင်း၍ မယွင်းတည်ထား မြတ်ဘုရားကား မယွင်းတည်ထား မြတ်တရားကား မယွင်းတည်ထား မြတ်သံဃာကား ဘေးဆိုးအန္တရာယ် အသွယ်သွယ်ကြောင့် ပျောက်ကွယ်မရှိ တည်တံ့ဘိ၏။
(ယော ဆရာတော်) -
---------------------------------------------------------- မေတ္တာ မွန်မြတ်သော မေတ္တာ၊ ဂရုဏာ၊ မုဒိတာနှင့် ဥပေက္ခာ တည်းဟူသော ဗြဟ္မစိုရ်တရား လေးပါးတွင် မေတ္တာသည် အခြေခံအကျဆုံး ဖြစ်သည်။ မေတ္တာသည် ပျော့ပျောင်းသည်၊ သိမ်မွေ့သည်၊ နူးညံ့သည်၊ စူးရှသည်၊ နက်ရှိုင်းသည်၊ စွမ်းအားကြီးမားသည်၊ စာနာမှု၊ ထောက်ထားမှု အပြည့်ရှိသည်။ မေတ္တာသည် အသွားအပြန်ရှိသည်။ ထို့ကြောင့်လည်း မေတ္တာခြုံ၍ လုံခြုံသည်ဟု ဆိုကြသည်။ တစ်ဦးအပေါ်တစ်ဦး မေတ္တာဆောင်၍ အောင်ကြပါစေဟု ဆန္ဒပြုလျက်...
-----------------------------------------------------------
